منحة وزارة الاتصالات براتب 1400 جنيه شهريا

منحة وزارة الاتصالات براتب 1400 جنيه شهريا

منحة وزاره الاتصالات 2016

وزارة الاتصالات اعلنت عن منحتها السنوية المجانية منحة ITI....المنحة دى بتوفر فرص شغل لكل اللى بيتخرجوا لانهم بيتدربوا على اعلى مستوى (وكتير منهم بيشتغل بره مصر اول ميتخرج او فى أكبر الشركات الاجنبية فى مصر)

-منحة وزارة الاتصالات مجانية تماما بل بتديلك مرتب شهرى كمان طوال التدريب (1400 جنيه شهريا) وممكن يزيد السنة دى كمان

- المنحة فى محافظات مختلفة زى القاهرة -الاسكندرية - اسيوط - المنصورة - الخ

-المنحة مفهاش وسايط ولا محسوبية ومبيقبلوش الا الناس المؤهلة فعلا

-منحة وزارة الاتصالات بقالها بتتعمل فى مصر أكثر من 21 سنة وكل خريجينها شغالين فى أكبر شركات فى مصر والعالم

- المنحة بتاهلك كمان انك بعد متخلص تسافر بره تدرس ماجستير فى جامعة اجنبية فى امريكا او المانيا او السويد

- المنحة اللى بنتكلم عنها اسمها منحة ITI ومدتها 9 شهور غير منحة وزارة الاتصالات العادية ودى بتكون إى كلام

تخصصات منحة وزارة الاتصالات:

1- Database Development & Administration (1) – Single Platform 

2- Database Development & Administration (2) – Multi platform 

3- e-Commerce & e-Marketing 

4- Graphics Design & Development 

5- Java Mobile Applications Development 

6- Web Applications Development 

7- Linux/Unix System Administration 

8- Networking 

*شروط المنحة:
1- خريجي سنوات2012،2013،2014،2015،2016
، 2015 من الجامعات المصرية.
2- ألا يقل التقدير التراكمى للخريج عن جيد.
3- الموقف من التجنيد للذكور ( تأدية الخدمة / إعفاء مؤقت من 3-5 سنوات / إعفاء نهائى / تأجيل).
4- إجادة اللغة الانجليزية (TOEFL Minimum Score: 550).
5- إجادة استخدام الحاسب الآلى.
6- إجتياز الاختبارات المؤهلة للبرنامج.

*المستنـدات المطــلـوبة للتقــديــم:
1- شهادة التخرج بالكلية أو بيان نجاح معتمد موضحاً به تقدير التخرج.
2- أصل شهادة الميلاد أو مستخرج رسمى منها.
3- صورة البطاقة الشخصية أو جواز سفر فى حالة عدم توفر صورة البطاقة.
4- أصل شهادة تأدية الخدمة العسكرية (للذكور) أو مستند التأجيل.
5- عدد 2 صورة شخصة 4×6.
6- شهادة TOEFL (يمكن قبولك بدون الشهادة بشرط احضارها بعد القبول بشهر تقريبا)

* تـنـبـيـهـات:
1- المقبولين لدى المعهد سيتم منحهم مكافأت مالية كبيرة طوال فترة التدريب (9أشهر).
2- التسجيل الكترونيا على الموقع وبعدها يتم تقديم صور من المستندات المطلوبه بمقار المعهد المختلفه لحين القبول بالمعهد يتم تقديم اصل المستندات.

لينك التقديم المباشر Click Here
شرح طريقة التقديم لمنحة وزارة الاتصالات Click Here

نموذج لامتحان منحة وزارة الاتصالات

انا حبيت اشارككم اللى حصل فى الامتحان انا امتحنت يوم 2-8 

امتحان IQ

مدته : 55 دقيقة

شكله : بيبتدى برسومات واشكال وعادتا بتبقى متتابعات للاشكال وانت بتختار الشكل اللى ممكن يجى بعد كده بعد كده فى اسئلة تتحل فى 10 دقائق ودى عمليات حسابية وفيه كمان متسلسلات ارقام وحاجات زى السودوكو وبعض المسائل الكلامية زى الفرق فى الاعمار و كده الامتحان كله اختيار من متعدد الاسئلة اللى فى الاخر اسهل كتيير من اللى فى الاول يفضل انك تكتب رقم اخر سؤال فى المربع اللى تحت و تضغط على السهم عشان يبعتك له وتبدا من الاخر وفيه كتاب اتمنى ان الكل يقراه هيفيدكوا جدا و هيخلى تفكيرك اسرع وادق كتير Master Math Solving Word Problems وده كتاب للتدريب علي أسئلة IQ لأن طبعا زى محنا عارفين اول امتحان فى منحة وزارة الاتصالات بيكون امتحان ذكاء يعنى IQ , الامتحان مش صعب بس عايز تدريب وتدريب وتدريب وتدريب علشان تتعود على الاسئلة اللى تبيجى فى امتحان المنحة, و دا رابط كتاب للتدريب على الامتحنا The Ultimate IQ Test Book

امتحان English

مدته : 55 دقيقة

شكله : فى اليداية قطع وكل قطعه تحتها سؤال ممكن يكون فيه من 3 ل 5 اسئلة على قطعه واحده وبعدها تكملتها عليها اسئلة تانية بعد كده فى جمل كل جملة فيها اربع كلمات تحتها خط كلمة منها غلط تراعى فيها ال punctuation , spilling و كمان ال grammar وتختار الكلمة الغلط و برضه الاسئلة اللى فى الاخر اسهل من الاول ده اللى فاكره صراحة

على فكرة غالبا الاسئلة اللى فى الاول عليها درجات اعلى لانه بيجى فالاخر يقولك حل عشر اسئلة فى 5 دقائق اول حل ال 20 سؤال اللى جايين فى 10 دقائق

امتحان Personality 

مدته : 120 دقيقة

شكله : سؤال ولالجابة ب yes او no

الاسئلة دى بتقيس شخصيتك و دى لازم تجاوبها بصراحة متناية ومتفكرش فيها كتير كون انت بس وخد بالك ممكن نفس السؤال يتكرر اكتر من مرة عشان يعرفوا انت بتكدب ولا لا و ده مش محتاج مذاكره ولا حاجه كل اللى محتاجه زى ما انا قلت انك تكون نفسك بس

بعد ما بتخلص بيقولولك من بكره ابدأ تابع النتيجه على الويب سايت فى ال Home بتاعتك هتلاقى ان شاء الله ظهر Congratulations, you did well in your exams and you are promoted to the personal interview. To get your interview details, click on the application status link at this page.

وفى ال application status هتلاقى معاد ومكان الانتر فيو بتاعك ان شاء الله 

اجتيازه : هدوء الاعصاب تكون نمت كويس و يفضل شوية رياضه كده قبل ما تدخل قاعة الامتحان يعنى مثلا متستخدمش الاسانسير واطلع على السلم و طبعا تدعى ربنا انه يوفقك فى الاول او الاخر التوفيق من عنده

تجارب بعض الاعضاء فى امتحانات منحة وزارة الاتصالات

دى بعض التجارب للناس اللى دخلوا امتحات منحة وزارة الاتصالات علشان نتعرف على تجربتهم وازاى نعدى من الامتحان ان شاء الله
شباب السلام عليكم بالنسبه للناس اللى عندها امتحان hr & technicalانا كنت لسه قاعد مع واحد صحبى امتحن وحكالى ايه اللى حصل واتسأل ازاى وايه والدنيا ماشية ازاى ووصانى اقولوكم وادعوله وادعولنا معاكوا وانشروها علشان الفايدة تعم وثواب كبير بصوا اول ما دخل طبعاً فيه معيدين من المكان نفسه بيبقوا واقفين معاكوا وهما اللى بيدخوكوا لحد الانتر فيو ووانت وقف معاه ممكن تسألوا فى اى حاجه هيجاوبك وهيفيدك جدا جدا ...بعد كدة هيدوكوا ورقه ويقولك اكتب paragraph عن مثلا كتاب انت قريته فى خمس سطور بعد ما تخلص بتدخل لل HR بتقدم نفسك طبعاً بتقرأ تعليمات عن ازاى تتكلم معاهم وتصرفات يبقى شكلها ازاى فا صحبى اتسأل طبعاً اول حاجه بتقدم نفسك وكانت اسألتهم ليه كانت انت داخل الITI ليه والسؤال الرخم كان الITI هقبلك ليه وعلى اى اساس انت هتفيدها فإيه واخر مرة قرأت الجرنال امتى وايه رأيك فى المحاكمه بتاعه حسنى و بتمثلك ايه كلمه قائد وازاى تبقى قائد وازاى تختار شخص يكون او يصلح للقيادة وبعد كدة ادولو قلم وقالولو بعلنا القلم دة بيختبر فيها يعنى الskills بتاعتك فى البيع او هتقنع اللى قدامك ازاى ملحوظه فيه اسئله عربى وانجليزى حسب ما هو هيسألك اى لغه منهم هتجاوبو بيها ولو مفهمتوش او مش عارف ترد عليه بالانجليزى مينفعش تسكت والحل الافضل انك تقولهم انا مش هعرف ارد انجليش ممكن ارد عربى من غير كسوف او تردد عادى جدا وفى الاخر بيسألك فى اى سؤال عايزة تقولو دى على حسب ما انت مجهز بقى وبيكون عدد اللى بيمتحنك 2 ممكن 2 بنات او راجل وبنت او 2 رجاله والله اعلم ودة بالنسبة لل HR اما بالنسبة للTechnical فا كان مختار unix & info. storage وكان قاعد قادمه 6 اشخاص بيتكلموا معاك فى حاجه ممكن تتخيلها يعنى هو اتسأل فى انت كانت مدرستك ايه ويعنى ايه operating system وايه لازمه الرامات وايه هى ال operating system بتاعه الموبيلات وايه هما ال OSI والtcp فى انهى لاير وايه الفرق بنها وبين الUdp واتسأل فى حجات بقى والله مش فاكرها بس خاصه بالتراك اللى هو مقدم فيه واتسئل انت اشتغلت يونكس او لينكس قبل كدة قال لا فا محدش سألوا تانى فى تراك اليونكس خالص وتقريباً تعمقوا معاه فى تراك الstorage شويه وفيه ناس من اللى قاعدة مكنتش بتسأل بس مجرد بيراقبوك وانت بتتكلم ويا جماعه محدش يتنطط على الناس دى مهما كنت انت جامد لانهم بجد كلهم ملهمش حل ولازم كل اللى هتتكلم فيه تكون فاهمه ومتوسعهاش اوى لانهم على اساس كلامك معاهم هما بيسألوك وكل ما بتتعمق فى حاجه هما بيتعمقوا معاك فيها اكتر لازم تخلى بالك من كلامك كويس جدا وانت بتقوله ولو مش عارف قول مش عارف وانت فى الاول بيسألوا انت عارف ايه وفاهم ايه قول كل اللى درسته وركزوا على مشروع التخرج بتاعك ممكن تتسأل فيه جداً والله اعلم 

اليكم بعض من نماذج الاختبارات التى تتم من خلال معهد تكنولوجيا المعلومات iti :- 

1- iTi Exams - Korsaat.com.rar - أضغط للتحميل 
https://www.mediafire.com/?4narp459io7q86g

2- Enhance your English - أضغط للتحميل
Enhance your English

بالتوفيق للجميع ويا رب اكون قدرت افيدكم

ملحوظة : ذكر المعهد في بيان له اليوم أنه سيتم توفير فرص بعثات دولية للأوائل من الخريجين في هذا البرنامج خلال فترة التدريب في بعض التخصصات وذلك للمرة لأولى منذ انطلاق البرنامج الاحترافي من 20 عاماً