تفاصيل التقديم في الكليات العسكرية

تفاصيل التقديم في الكليات العسكرية

تفاصيل التقديم في الكليات العسكرية

تفاصيل التقديم في الكليات العسكرية

أحيط سيادتكم علماً بفتح باب التقدم لكلية الشرطة للطلبة الحاصلين على الثانوية العامة للعام الدراسي ( ٢٠١٩ / ٢٠٢٠ ) وذلك بحد أدنى مجموع ( ٦٥ % ) ؛ وذلك بدءاً من يوم الأربعاء الموافق ٢٤ يوليو ٢٠١٩ حتى يوم الخميس الموافق ١٥ أغسطس ٢٠١٩ ؛ من خلال موقع وزارة الداخلية على شبكة الإنترنت ( www.Moiegypt.Gov.EG )


*بالتوفيق بإذن الله للجميع *

اعلنت وزارة الداخلية المصرية عن قبول دفعة جديدة بقسم الضباط المتخصصين بكلية الشرطة، على أن يكون الحد الأدنى تقدير ( جيد) في إحدى التخصصات الفنية التي تتمثل في الطلبات الأساسية لوزارة الداخلية وهي كالآتي:

التخصصات الجامعية المطلوبة.
أولاً: شعبة الطب
طب بشري ( ذكور فقط).
طب أسنان ( ذكور فقط).
طب بيطري ( ذكور فقط).
علاج طبيعي ( ذكور وإناث).
تمريض ( ذكور وإناث).
صيدلة ( ذكور فقط).
كما مطلوب خريجين طب بشري من حاملي الدكتوراه والماجيستير أمراض  (صدرية- قلب – كلى – جراحة مخ واعصاب – نساء وولادة – أنف واذن وحنجرة).

ثانياً: التخصصات الجامعية المطلوبة في كلية الشرطة 2019 من خريجين كلية الهندسة ذكور فقط.
هندسة حاسبات ومعلومات.
هندسة اتصالات وإلكترونيات.
هندسة ميكانيكا سيارات.
هندسة كهرباء قوى.
هندسة معمارية.
هندسة بحرية.
هندسة مدني.
هندسة مساحة.
هندسة طبية.

ثالثاً: تخصصات مطلوبة في كلية الشرطة 2019 من كليات أخرى:
زراعة ( ذكور فقط).
تربية رياضية ( ذكور فقط).
فنون تطبيقية قسم تصوير ( ذكور فقط).
تربية موسيقية ( ذكور فقط).
فنون جميلة قسم جرافيك ( ذكور فقط).
خدمة اجتماعية أقسام آداب – علم نفس – اجتماع ( ذكور واناث).
إعلام ( ذكور وإناث).
لغات ( انجليزي – روسي) ذكور وإناث.
لغات ( ألماني – فرنسي – إيطالي ) إناث فقط.
سياحة وفنادق ( إناث فقط).

طرق التقديم على موقع أكاديمية الشرطة 2019/2020 لطلاب الثانوية العامة والثانوية الأزهرية
يمكنك التقديم والالتحاق بأكاديمية الشرطة عن طريق موقع وزارة الداخلية عبر شبكة الإنترنت http://www.moiegypt.gov.eg
يمكنك متابعة نتائج الاختبارات على نفس الموقع، على أن يكون يتقدم الطالب بإحضار 4 صور وشهادة الميلاد وبطاقة الرقم القومي ومعهم شهادة الثانوية العامة أو إرفاق إيصال مكتب التنسيق وبيان درجات معتمدة من الإدارة التعليمية أو صورة ضوئية معتمدة طبق الأصل.

عند التسجيل بنجاح يظهر للمتقدم رقم اللجنة ورقم السري الذي ستعامل به مع موقع الأكاديمية، وذلك لتعرف على مواعيد اختبارات التقديم للكلية.

يتم اختيار الطالب يوماً واحداً من بين 3 أيام، لأداء اختبارات القدرات، ثم يقوم بطباعة نموذج الإقرارات وأخر للقدرات، وذلك لتوقيع ولي الأمر وتسليمهما للكلية عند حضوره لاختبارات القدرات.

أوضح مساعد وزير الداخلية على أن يتوجه الطالب للكلية ومنها إلى منافذ تحصيل قيمة الدمغات والرسوم المقررة، ثم إلى لجنة تسليم الإقرارات ونموذج القدرات، وبعد ذلك يتسلم بطاقة التردد المعتمدة بختم اللجنة والموضح بها الرقم السري الخاص بالطالب.

الرقم السري المثبت أعلاه سيتواصل منه على موقع الكلية، ليتعرف منه على موعد أداء اختبارات القدرات الذي سبق واختاره.


من خلال الرقم السري سوف يتعرف منه على نتيجة اختبارات القدرات، وفي حال نجاحه ستظهر له رسالة تهنئة مع توضيع موعد اختبار كشف المقاس والقوام المخصص له وتعليمات الحضور، وبعد أداء الاختبار يدخل على موقع الكلية بالرقم السري ليعرف نتيجة الاختبار.

                   /////////////////////////////

اولا الشروط وبعدين الاختبارات بالتفصيل ان شاء الله

الكليه الحربيه : ٧٠٪ علمي وادبي

الكليه البحريه :٧٠٪ علمي رياضه وعلوم

الكليه الجويه : ٦٥٪ علمي وادبي 

كليه الطب العسكري : ٩٥٪ علمي علوم

الفنيه العسكريه: ٩٢٪ علمي رياضه 

معهد فني ق م : علمي من ٦٠٪ و ٧٥٪ صنايع تخصص ميكا وكهرباء 

كليه الدفاع الجوي: ٨٥٪ علمي رياضه

ملحوظه* الكليات دي كلها ذكور بس مفيش بنات 

لكن البنات ليهم معهد فني صحي ق .م

البوست دا ان شاء الله شارح فيه كل حاجه عن الاختبارات من البدايه للنهايه من اول ماتروح تقدم الملف لغايه ماتسمع النتيجه😃

وبعد كل كشف هديك شويه نصايح تحاول تخليك تتجاوز الكشوف 

اولا الخطوات:

* سحب الملف :-

بتسحب الملف من الكليه الحربيه ب200 جنية وبالبطاقه بتاعتك وبتسحب من بوابه ٣

وقبل ماتروح احلق شعرك والدقن و إلا هتحلق هناك فى الشارع😂

* ملء الملف :-

الملف اللى انت استلمته فى مرحلتين من التقديم.

اولا المرحلة الاولى :-

بتكتب البيانات المطلوبه والاوراق المطلوبه والرائد هناك يوم السحب هيفهمك تعمل ايه ودا بتسلمه فالميعاد المحدد ليك او ممكن بعدها باسبوع او اتنين وقت ماتخلص الاوراق علشان تبدا اختبارات

ثانيا المرحلة الثانية :-

بتقدم ملفها بعد نجاحك فى الكشف الرياضى او الطبى ومعاه بعض الاوراق.

النصيحه* انزل السجل المدني خلص القيد العائلي في اسرع وقت علشان بياخد وقت من اسبوع لاسبوعين 

القيد بيكون للوالد والجدين من ناحيه الاب والام والي محتاج طلباته يطلبها في كومينت😃

ونصيحه كمان روح الكليه بدري يعني س ٤ كويس تكون هناك علشان متتاخرش جوه وتقف فالزحمه

وتالت نصيحه ملف المرحله الاولي صوره مره عند اي حد بيطبع وشخبط فالنسخه الي صورتها براحتك بحيث نسخه الكليه الاثليه متشخبطش فيها نهائي ، مهم جدا يكون ملفك نضيف ومفيهوش شخبطه

----------------------------------------------

*تقديم الملف

بيكون تقديم الملف فى بوابة الاستاد بتاع الكلية الحربية وبتمتحن السمات

نوضح الاختبارات بقا 😃:-

إختبار السمات الشخصية

1- يهدف إختبار السمات الشخصية إلى الوقوف علي قدرة الطالب على التكيف مع الحياة العسكرية وأن رغبته هذه ليست نتيجة ضغوط معينة بالإضافة إلى قياس تناسب شخصية الطالب مع متطلبات الحياة العسكرية وكيفية التصرف في المواقف المختلفة .

2- يتم إختبار الطالب في نفس يوم تقديمه طلب الإلتحاق على أن يكون مع الطالب الأدوات الكتابية للإختبار (قلم جاف ازرق) .

3- تعلن نتيجة هذا الإختبار بمقر مكتب التنسيق وعلى الطالب معرفة توقيت الكشف الطبي الموضح أعلى الكشف المدون به إسمه حيث أن توقيتات الكشف الطبي ليست واحدة لجميع الطلبة

امتحان السمات دا اسئله عباره عن معلومات عامه وتاريخ وحاجات من دي واسئله بتشوف نفسيتك ايه نظامها وهتروح يبشا

النصيحه* الكشف دا غالبا بيبص علي الملف شكله ونضافته وتنظيمك في الملف هل مبهدله ولا نضيف دي اهم حاجه مش مهم هتلاقي نفسك مش عارف نص الاسئله في الاختبار دا بس هتنجح مادام منظم ملفك وهو نضيف وقليل اما بيبص علي اجاباتك

الكشف الطبى

بعد ما تنجح فى اختبار السمات بيكون الكشف اللى بعدة الطبى ولازم تروح فى الميعاد المحدد والا تعتبر من المتخلفين عن ميعاد الكشف وبتاخد ميعاد تانى ولازم تكون رايح بشورت ابيض سبعة

وبيتم الكشف على يومين

1-يهدف الأختبار الطبي إلى تحديد اللياقة الطبية للطالب ليكون مبدئياً لائقا طبياً كطالب بإحدى الكليات والمعاهد العسكرية. (كلية حربية-كلية بحرية-كلية جوية-كلية فنية عسكرية-كلية دفاع جوي-المعهد الفني).

2-يقوم بهذا الأختبار لجنة طبية تشكل لهذا الغرض ويكون قرارها نهائياً ولا يعتد بأي قرارات خارجية , كما يتم الأختبار بمقار اللجان الطبية وفي المستشفيات التي يتم الإعلان عنها.

3-يتم أختبار المستوى الطبي للطالب في جميع التخصصات الطبية وفقا للمستوى المعمول به داخل القوات المسلحةوالمستويات الطبية المطلوبة لكل كلية والمستويات المطلوبة لكل فئة أو تخصص ويجب تواجد بطاقتك الشخصية معك أثناء الكشف الطبي .

4-ترشح اللجنة الطبية من تطبق عليه شروط الترشيح للكشف في الكلية الجوية لأستكمال الكشف في المجلس الطبي الجوي.

5-يتم إخطارك بنتيجة الكشف الطبي فور إعتمادها م رئيس اللجنة الطبية كتابة ومعها يحدد موعد إختبار اللياقة البدنية الذي يكون في اليوم التالي غالباً.

ملحوظه* الي بيترشح جويه لو سقط في اختبارات الجويه بيرجع يكمل اختبارات حربيه تاني

اما الكشوفات الطبيه بقا :-

1-كشف القوام؛

الكشف دة عن ظبط الطول مع الوزن وانت بتخش على اله موصلة بحاسب الى بتقيس الطول مع الوزن

واللى هى مؤشر الوزن المثالى

وزنك المناسب بيكون لو انت مثلا طول ١٧٠ يبقا وزنك من ٦٠ ل ٨٠ بالكتير قوي

2-كشف الجلدية :

بيتم عرضك على الدكتور وبيشوف اذا كان عندك اى جرح او مرض جلدى

3-كشف الاسنان :

الكشف دة مش عاوز تعريف هو بس بيشوف الاسنان مظبوطة ولا لا واغسل سنانك قبل ماتروح سواء عند دكتور او في بيتك لو مش هتعرف عند دكتور

4- كشف العظام :

دة بيشوف شكل الجسم وبعض الحالات مثل الفلات فوت التقوس الالتصاق الناتج عن التقوس واحيانا بيطلب منك عمل واحد عقلة وعلى فكرة الكشف دة بيطلع اكثر من 60%من الناس اللى طالعة طبى حاول بس وانت داخل ماتلفتش انتباه الدكتور بمشيتك ان عندك عيب

5- كشف الانف والاذن :

لازم تكون رايح الكشف دة غاسل اذنك واحد يقولى اغسلها بالمية والصابون فى البيت لا

يا فالح الغسيل دة بيكون عند دكتور علشان ينظف الاذن من الشمع علشان الدكتور يقدر يشوف داخل الاذن والا هاترجع😂

6- كشف الرمد وعمى الالوان :

نبدا بعمى الالوان بيعرض عليك كذا صورة وتقول الرقم اللى فيها بعد كدة كشف

الرمد اللوحه اللى عليها دواير

7- كشف الجراحة؛

استحمل شويه معلش عارف الكشف ده هيضايق الناس واوعى تاخدك الحماسه وتقول مش كاشف ده لمصلحتك والله هتعرف اما تروح😂😂😂مش متكلم عنه✋

8- كشف الباطنة: دا عادي بيشوف لو عندك اي امراض تبع الباطنه ومعظم الناس بتعدي منه

9- كشف النفسية :

ويتم فيه وضع اختبارات نفسية وايضا وضع اختبارات لمعرفة نسبة ذكاء المتقدم

بيطلب منك النطق ببعض العبارت علشان يشوف عندك حرف ولا لا زى(44 66 امر امير

الامراء وكدا)

10-كشف المعمل :

بياخد منك عينة دم وعينة بول

11-كشف الموجات الصوتية :

الكشف دة على الكلى بالموجات فوق الصوتية

12-كشف الاشعة على الصدر :

دة كشف على الرئة

13-كشف قاع العين :

انت بتاخد قطرة من محلول معين بيخليك متشوفش فى النور دة علشان بيوسع انسان العين علشان الدكتور يقدر يشوف اللى داخل العين ودة برضة من اصعب الكشوفات ولازم متحطش القطرة دى قبل ما تمتحن رمد علشان القطرة دى بتاثر على الرؤية

طيب انا لو سقطت فى كشف اعمل اية, هو بيعرض على دكتور تانى فى عيادة تانية اجبارى ومن حقك وفى نفس اليوم بس تكون رايح بدرى ولو سقطت لا قدر الله يبقى ليك التماس ب20 جنية اختيارى هو بعد ما بتسقط بيعطيك ورقة لو عايز تعمل التماس وبعدها فى اى وقت بعد اليوم اللى انت فية تروح تقدم الورقة والعشين😂 جنية

و بتاخد ميعاد جديد وبيكون دة فى نفس الشباك اللى بياخد فية البصمة بتاعتك فى الاول.

النصيحه

اللياقة الطبية لمصلحتك حيث أن من لا يستطيع تحقيق المستوى المطلوب للقبول بالكليات والمعاهد العسكرية لا يستطيع الإستمرار في الكلية لذلك:

1-دون الإقرار الطبي بأمانة .

2-تجنب الحصول على أية دواء يغير من صفتك الطبية أو نتائج التحاليل .

3-تأكد من نظافة الأذن ويجب غسلها قبل توقيع الكشف الطبي عليك.

4-إفصح عن الأمراض أو العمليات الجراحية التي أجريتها في أية مرحلة من حياتك قبل الكشف الطبي وذلك لعرضك على اللجنة المختصة .

5- الطالب الذي يحق له الكشف بالنظارة عليه أن يتأكد من أن مقياس النظارة سليم ومناسب

له (فنيه عسكريه وطب عسكري فقط ).

6- لا يعتد بأي كشوفات أو تحاليل أو تقارير طبية بخلاف ما تصدره اللجنة الطبية العسكرية .يعني ماتجيش انت تكشف عند دكتور بره وتقول دانا سليم الامور جوه الكليه بتختلف😂

اهم حاجه في الكشف دا لو عندك اي مرض او عيب او كدا هتروح تكشف مدني وحاول تعالجه دلوقتي قبل الطبي 

ويوم الكشف متبقاش داخل خايف ومتوتر ومتلفتش انتباه الدكتور ان عندك مشكله او كدا 

---------------------------------------------

بعد الطبي ندخل عالرياضي 🏃🏃

إختبار الثقة والسباحة واللياقة البدنية

1- عند إجتيازك لإختبار المستوى الطبي يحدد لك ميعاد إختبارات الثقة والسباحة واللياقة البدنية التي تكون في الغالب بعد إنتهاء الكشف الطبي وعليك الحضور في ذلك اليوم تمام السابعة صباحاً ومعك الملابس الرياضية و لباس البحر .

2-سيتم إعطائك رقم رياضي تتعامل به أثناء تأديتك لإختبارات الثقة والسباحة واللياقة البدنية .

3- الاختبارات التي يؤديها الطالب

*اختبار قفزه الثقة:

يعتبر هذا الأختبار شرطاً أساسيا لراغبي الألتحاق بالكليات والمعاهد العسكرية.

يجب أن يؤدى هذا الأختبار بنجاح للإستمرار في الأختبارات التالية ويعتبر هذا الأختبار أيضاً شرطا للإستمرار في الكلية حيث أنه يؤدى بشكل دوري .

-إختبار الثقة هو القفز بالأرجل من برج حمام السباحة من إرتفاع 7.5 م.

وبيتم تقييمك في الاختبار دا يا اما ( مضي او قصر) لاذم تنجح فيه

*إختبار السباحة:

هو السباحة لمسافة 50 متر بأية طريقة من طرق السباحة وهذا الأختبار يقيم بالزمن.

أسلوب التقييم:

سباحة 50 متر في زمن حتى 45 ثانية 50 درجة. سباحة 50 متر في زمن حتى 60 ثانية 30 درجة. سباحة 50 متر في زمن أكثر من 60 ثانية 20 درجة. سباحة عرض حمام السباحة 10 درجات.

*إختبارات اللياقة البدنية:

يؤدى هذا الأختبار في سبعة تمرينات تقيس عناصر اللياقة الدنية للطالب .

العقلة: 10 او 12 عده اعتقد( من 40 درجه)

البطن: 40 عده (40 درجه)

الضغط: 40 عده (40 درجه)

تمرين الوثب الطويل من الثبات( النط) ( 10 درجات)

الجري 100 متر (15 درجة)

التوازن (10 درجات)

الجري المتعرج (10 درجات)

الضاحيه (الجري) مسافة 1500 متر (25

درجة)

النصيحه*انزل جيم من دلوقتي وظبط جسمك اهتم بالعقله والبطن والضغط والضاحيه لو مره في الاسبوع هتبقا كويس 

في قفزه الثقه هتلاقي ناس كتير بتخاف تنط سيبك من الناس دي لان كدا كدا العيال دي هتوترك ومتبصش للمياه وانت رايح تنط 

نط وغمض عينك ولو لقيت نفسك اتأخرت في الطريق متبصش تحتك لانك هتلاقي نفسك خبظت في البحر وهتصوت اللهم بلغت

-------------------------------------------

بعد الرياضي الهيئه

*الإختبار الشخصي أو كشف الهيئة :-

إحضر في يوم الأختبار الساعة السابعة او السادسه صباحاً علي حسب ما يحددلك في الرساله ولا يُسمح بالتخلف أو التأجيل .

الإختبار الشخصي يهدف إلى إنتقاء أفضل العناصر التي تلتحق بالقوات المسلحة والتي تتوفر فيها :

السمات الشخصية والنفسية المناسبة.

اللياقة الطبية والبدنية التي تؤهل الطالب للنجاح في عمله .

قوة الشخصية والقدرة على التصرف .

المعلومات العامة والثقافية.

الرغبة الأكيدة للطالب للإلتحاق بالكليات العسكرية .

-يتم الأختبار وفقاً للشروط واللوائح والقوانين المنظمة وطبقاً لإحتياجات القوات المسلحة في الأفرع الرئيسية المختلفة .

-تذكر أنك تتقدم لمجلس مديري الكليات والمعاهد العسكرية لأختيارك من ضمن آلاف المتقدميين فحافظ على مظهرك وأرتدي الزي المحدد بالطريقة المناسبة .

النصيحه 

انت هتروح هتقدم نفسك للقاده اسمك ورقم قيدك ومجموعك وشعبتك ورغبتك وهوايتك

* من الاخر في كشف الهيئه خليك اسد ومتخافش ومتتوترش😂 واما يسألك عاوز تقدك حربيه ليه ماتقولوش علشان اخدم بلدي والكلام دا علشان معروفه وقديمه ابدع يامعلم وغالبا مش بيسأله دلوقت 😂ولو سألك سؤال معرفتش اجابته متترددش وتتهته في الكلام لا تقوله معرفش يافندم وتسكت او تكمل وان شاء اعرفها بس غالبا هيسألك عن عاصمه دوله انت متعرفهاش اصلا😂

-بعد إعلان نتيجة الهيئه فيه العرض الطبي العام وفيه رياضي متقدم :- ودا بيكون طبي عالسريع ورياضي بس جري لمسافه اطول وعدات ضغط وبطن وعقله اكتر 

سيحدد لك موعد إعلان نتيجة القبول بالكليات والمعاهد العسكرية .

السنه الي فاتت بعتولهم رسايل احضر للاهميه القصوي كانو بيروحوا اختبار نفسي وبيكون عدد اساله معين عالكمبيوتر فوقت معين وحاحه تافهه يعني

وهي دي كل الحكايه هتفضل مستني لو جاتلك رساله القبول كان بهما مجاتش يبقا حظ سعيد المره الجايه😅

ملحوظه علي كشف الهيئه :-

انت بتروح من البوابة اللى انت سحبت منها الملف بتكون لابس اللبس الخاص اللى هو بنطلون اسود وقميص ابيض وجزمة سوداء الجزمه تكون كلاسيك والشراب يفضل اسود والحزام اسود (متديقهمش قوي ولا توسعهم قوي😂 اللهم بلغت) وبيديك ورقة فيها بيانات لحضرتك تحفظها وتخش على اللجنة المكونة من مديرى

الكليات العسكرية وبتلقيها عليهم بكل ثبات وثقة وبدون اى خوف وتردد وممكن يسالك اسئلة معينة يقصد بيها اى شىء مثلا على سبيل المثال طاعة الاوامر العسكرية ولو كانت من نظرك غلط فى غلط زى مثلا عوم فى التفة دى

ترد تقول اية ؟!!!!!! تقول على طول (بعد اذنك يا افندم علشان متترطش)وغيرها

خاص بالجويه:

لما بيشك ان هو ينفع للكلية الجوية بيحولة للمجلس الطبى الجوى بالتليفون في اول الاختبارات

واهم حاجه في الجويه نظرك 6/6 مش اقل 

والجويه ليها اختباراتها 

ملحوظه سريعه كدا في الاختبار الطبي في الجويه بيبقا فيه اختبار الضغط الجوي فيه طلبه كتير بتسقط فيه 

تعمل ايه بقا يا معلم حاجه سهله جدا وبطريقه بدائيه هاتاكل لبان كتير جدا جدا وقبل ماتروح تاكل معلقه او 2 سكر

اختبارات الجويه بتبقا اصعب من اختبارات حربيه بكتير جدا جدا

--------------------------------------

شويه نصايح بقا😂:

-اهتم بالرياضه واللياقه البدنيه.

-البعد عن التدخين واى مشروبات مضره.

-حبايبنا المراهقين برضه يبطلو وهم عارفين هيبطلو ايه ومعلش تعالى على نفسك ده لمصلحتك انت والله.

-كل اكل صحى بروتين حيوانى ونباتى مينفعش تسيب واحد وتاخد التانى

اسماك وخضار وفاكهه

-ابعد عن الفاست فود والكلام الفاضي ده وياريت كمان تبعد عن الفراخ البيضا على قد متقدر

-افطر بيض ولبن وجبنه قريش وبلاش عيش فينو او ابيض

-اعمل فحص دورى على الضغط والسكر والنظر ولو عندك مشكله فى حاجه من دول الحق عالجها بسرعه

-حاول تنام بالليل 8 ساعات مش تسهر طول الليل وتنام بالنهار كده بتدمر جهازك العصبي

-نمى معلوماتك وثقافتك

-عود نفسك على الالتزام فى مواعيدك ايا كانت

-اهتم بكليتك المدنيه زى العسكريه بالظبط علشان لو لاقدر الله محصلش نصيب متخسرش كل حاجه.

في النهايه كله توفيق من ربنا مع شويه اجتهاد منك لقدر الله لو مقبلتش متزعلش كمل حياتك عادي وحياتك مش هتقف يعني علشان مقبلتش

ربنا يوفقكم ان شاء الله